Barong Swari

TUTUR BARONG SWARI, 

KAWIT HANANING DALANG

Om Awighnam Astu Nama Siddham!

Nyan katuturaning kuna, duk patemonira Bhatara Guru lawan Bhatari Uma. Yan pira ta kunang lawasira ya ta matemu, maputra Bhatara Kumara. Suka twasira Bhatara Guru, nanging Bhatari Uma brahmantya twasira, reh putrane rahina wengi angikuti guru, tan kena ingemban dening hyang ibu kewala ring masusujuga, riwuse amangan susu, juga angikuti ring guru.

Reh mangkana polahnya sadina-dina,dadi duhka Bhatari Umadewi, raris kapungsang-pangsing Bhatara Kumara, sinambi sira anyuswi siranganak. Sawireh duhkane kalangkung kanti magambahan Ida Bhatari Uma, anging Bhatara Kumara kedeh manyusu. Ri kenjekan samangkana dhateng sira Bhatara Guru lumihat ikang stri kaya ulahing kala, tan anut ring dewa, dadi duhka Bhatara Guru, mojar lwir bregala: Uduh mingkene ambekta lwir karaksasan buddhinta atyanta durga. Apan karaksasan dudu polahing dewa lah uminggata sira mangke. Mangkana ling Bhatara Guru. Dadya menggat Bhatari Umadewi, sah saking swarga, prapta maring madyapada, umungsi desa sunya, ri madyaning wana. Hana wandira mageng, maipak pangnya, ronnya mangreneb. Irika ta sira anangis, luhnya manrawang, susunya mijil we, ameles ring lemah. Ika maletik dadi gedang saba, maka mretaning rare.

Yan pirang dina ta sira manastapa, mangke angen-angen sira mangadakaken kadatwan, tan bina sama ring swarga.

Mangka ta sira Bhatari Uma mangaran Bhatari Rohini. Mayoga ta sira saking yoganira, mijil Ki Danuja, Wil, Dete, Jin, Setan, Hala-Hala, Reregek tunggek, Anja-Anja, Sungsang Hulu, Kumangmang, Njekpupu, Tangan-Tangan, Togsil, HuluAlit, Basang Gatui,  Papengkah katekaning  Kuplak-Kaplik, Linyik, Lawan Sumprang-sampring, ika pada ngemit kadatwanira Bhatari Rohini;

Nimittanyan tenget ring alas ika, tan hana wani praptengkana, apan Bhatari Rohini rupanira kadi durga, plosonya sawlat salit, siyungnya mangambah ambah roma. Asekel manahira, apan tan neher anemu Bhatara Guru.

Yan pirang dina lawasnya, katekanan wastumjah tasmat. Iki wuwusing brahmantya Nengakna.

Mwah ta sira mangke, tucapa Bhatara Guru, ya ta mangguri anakira Bhatara Kumara, sari-sari aminta susu, kandugi rinuruh rawuhing swarga, anghing tan hana kapanggih. Sayan krodha pwa sira Bhatara Guru. Sira Bhatara Kumara inenahaken ring plangkiran, ring luhuringpanganyunan. Dadyamenget Bhatara Guru lawan Bhatari Uma, i nguni olih anapa, mangke tumuruna sira ring madyapadha. Bhatara Guru amalih rupa ya ta matemahan Kala Rudramurti. Bawu ta dhateng ring madyapadha, katemu Bhatari Rohini, sedheng tinangkilan ring pangajyanira nguni. Dadya mojar sira karo, Bhatara Guru lawan Bhatari Rohini, padha kala pwa sira, padha sinusupi dening kadurgan. Pada wenang pwa sira ngipuk sadina mangaras hana mangangsur. Mwah kalanya awijah ring purwa kang wong katekanan dening gering mutah ring purwa, ring daksina runtik kang bwana, Mwang ring kulwan sira mangipuk, sapascima wong katekanan gering mancuh. Yan ring lor Bhatara Guru mageguyon ring Bhatari Rohini, sautara kang wong kena gering lumintu, gering ngalemayung. Apan mangkana, manastapa sawatekjanapada, sabran dina hana wong pejah. Gering esuk sore pejah gering sore esuk pejah.

Wus mangkana mangke umulata sira Bhatara Tiga,kapiwelasan tumon ring wong pejah, lawan ikang wong agering. Awas ira pada dresta wilaya. Mangke amangun ta sira, hana ngaran: BARONG SWARI, nimittanyan mangkana Bhatara Tiga, anggawya Bhatara Guru puma, lawan Bhatari Rohini. Ida Bhatara Brahma, mandadi topeng bang, Bhatara Wisnu, mandadi telek, Ida Bhatara Iswara mandadi barong, sangkanya hana ngaran: Barong Swari. Yatika pada masolah, ring madyaning catuspata, sabilang pempatan, mwang patigayan, sira masolah, sira anggawya kalanduhaning Negara. Dadya karesres watek bebutane kabeh, kang angemit Bhatari nguni, pada angili pwa sira, ka pantaraning suket.

Ika marmitanyan hana desa tenget, apan inumahan dening bebutan, sawetning tumon ring Bhatara mandadi topeng, Bhatara Wisnu mandadi telek, Bhatara Iswara mandadi barong swari. Solahe pada pangus mangilag-mangileg. Wus mangkana mangke weruh sira Bhatara Guru Rudramurti. Antyan garjitanira masolah lawan Bhatara Brahma. Dadya lindu kang ksiti, ocak ikang segara. Manastapa wong ing madyapada, ri katekaning gering anggruh, baista-kadulu den Bhatara Brahma, tiningkahmg wong yan karasa dunmg wanuh ta sira Bhatara Guru, atemu lawan Bhatari Uma, pada kalanga, pada kalarupa.

Mangke hyunira Bhatara Brahma maletana, sumdana pwa warnaning Bhatara-Bhatari, didine wurung arupa kala-kali, raju ta sira angamet walulang, ya ta rineka rininggit-inggit.

Sigra ta pascad Bhatara Brahma, Anggawe ya ringgit, raju mangadakaken manusa lewih, wetu sakeng Bhatara Brahma, ingaranan: KI DALANG KAKUNG, Ika kinon mangigel. Mangke Ki Dalang Kakung mangawayang, hana ring bale panggung, kasolahang olih apuy manguntik, kinajnyan de Hyang Brahma ring agni, Hyang Wisnu lelampahan, ucape wewehan Bhatara Iswara, hinayonan de Hyang Samirana. Antyankaprakasa galak manis, tingkahing wayang.

Iti tegesing dalang kakurig, lwirya: dalang, nga. ngawijilang, da, nga. dadi, nga. urip, di. nga. lewih, dalang, nga. dasar, nga. wadah. wadah, nga. umah, nga. kadatwan. nimittanyan hana, nga. DALANG KADATON, Tegesing, lang. nga. langkung, nga. liwat, nga. lewih. Wenang ta sira anglangkungi sabda hala hayu, wenang ta sira anglewihi sabda hala hayu, mwang maka daginging kakung, ka. nga.kaliwat, kung. nga. smara, nga. wulangun. Mwah tegesin wayang, Iwimya : wayang, nga. lata, nga. lemah.

Wayahang, susmayang, suksma, nga. pingit, nanging wenang pada paGuruang, salwiring gegunan wenang paGuruang.

Wusika, dadi suka twasira Bhatara-Bhatari anonton tingkahing ngawayang. Hilang karaksasanira maka rwa, Lwir sinapuhan, ening tan pataletuh, tan hana hala Bhatara Guru lawan Bhatari Uma. Dadalanya mangkana kalewihan Ki Dalang Kakung, didine wenang angupti taksu, Bhatara Siwa Sira ta wenang sinunganing SANG AMANGKU DALANG. Da. nga. Dadi, nga. di, nga. lewih. Wenang ngarcana weda, wenang apaprucut, wenang angklukata wang salah wetu, ring wuku lawan dina. Wenang asangku tembaga, asamayut benang tukelan, asesinggel jinah satakan, panugrahan Bhatara Guru lawan Bhatara Brahma, mwang watek dewatane kabeh. Lingira Bhatara Guru: Ih, Nanak Hyang Brahma, antyan suka ta Hyang mami, wicaksana ta sira Nanak Hyang Brahma, akarya pumaning sarira, hilang lara hilang letuh, masarana Ki Dalang Kakung, mangke kami malaku lukatan, olih sira Nanak Hyang Brahma, didine age sira maka rwa pamuliha maring Siwalaya.

Matur sira Bhatara Brahma: An amwit ranak Bhatara anglukata Guru, wenang Kaki Bhatara Tunggal. Tumuli sira Hyang Tunggal pada sira manunggal. Irika asih ta sira Hyang Guru amalaku lukatan. Mahyun ta sira Hyang Tunggal yan manglukata. Mangke Sang Hyang Tunggal, mangaran sira ta sira: SANG HYANG GURU TUNGGAL. Mwah sabdanira Sang Hyang Guru Tunggal: Uduh sira Hyang Siwaguru, mangke konakna mangunaken samadi, idering pwa kang bwana anuhuta sukaning Samerugiri, sawalan ring sapta dina. Anuhun ta Bharata Guru, angideri kang bwana, hana ring sukuning gunung. Malesat Bhatara Guru ring purwa, sira Sang Hyang Guru Tunggal sampunring purwa. Hyunira mintoni mwah Bhatara Guru anemwa waringin, agung aluhur maring tengahin marga, tan wenang linempasan, ika lagya sinembah de Hyang Guru Siwa, hilang. Mwang ta bhatara Guru maring kidul, hana ta kapangguh matoya, nga. manjangan, majiwa-jiwa lawan Bhatara Guru, juga sinembah de Hyang Guru, hilang kang matoya. Mwang kalanira maring kulon, anemu ta sir aroma asawit angebeki, raju sinembah de Bharata Guru, hilang kang roma asawit. Ring utara hana ta watu mageng kapangguh de Hyang Guru, taler sinembah, cet hilang kang sila.

Wus mangkana mangke tutug sapangideran, sawulan ring sapta dina, kancit dating ta Hyang Guru Tunggal. Mawus ta Bhatara Guru, lingira: Uduh kang paran ka pangguhang de mami, antyan kagegawok ranak Bhatara. Anemu ranak Bhatara, hana wandira, hana matoya, mwang kesa tunggal, hana watu mageng. Iku kabeh sinembah denins ranak Bhatara.

Mojar Sang Hyang Tunggal: Lah umeneng ta sira. Yan ring diaha, ya iku wenang sinembah dening manusane kabeh, idepanya anyembah Siwa Guru. Yanya amangun pura, angadegang widi, wenang ngadegang sanggar agung, wenang ngadegang rambut sedana, angadegang manjangan salwang, wenang purane nyanding waringin, Mwang kadatwan sang araja, anyanding waringin.

Yan hana manusa pada anandur waringin, yan nora awidi widana, kadi kramaning rare metu, nora wenang, cendet tuwuh phalanya. Duh, Ah, Um, Nanak Hyang Siwa Guru, wus alukat pwa sira, mangke wenang umantuka maring siwalaya, lawan ta sira Bhatari Uma. wus mangkana telas umiring sirang dewata, Bhatari Uma umantuk pada umungsi swarga. Sira Bhatara Hyang Tunggal anusuping tan hana, mwang Bhatara Brahma anusup sing madyaning fahen. Nengakna ikangkata.

Mwang Ki Dalang Kakung kari ring lemah, sangka yan anaknya ngaran: Ki Dalang Kedaton. Duke makereb di bale panggung, binaywan denira Hyang Anila. Doning mangkana, hana inaranan: Dalang Samirana, anake ohh Ki Dalang Buricek, anak Ki Dalang Kedaton, malih Ki Dalang Banyol, Dalang Kakung Tunggal. Da. nga. lewih, nga. kalangkung, nga. kamimitan. Kung. nga. sara, nga. ngulangunin, ulangun, nga. sakarsa. Sang atapamangalap tingkahing marante wenang, didine akamulan budi sunya, kakung mimitan demen, ika pada katumnang ka Ball, nga. gunastakosala, kawite saking Wilwatikta, maka Iwiranya: undagi dalem, leluwes agung, sangging prabangkara, juru igel, tukang, dalang kadaton, Ika pada ngupti taksu. Jatinya ika guna, tan wangsa.

Telas.

Om Santi Santi Santi Om